{"id":7078,"date":"2024-10-11T14:24:21","date_gmt":"2024-10-11T12:24:21","guid":{"rendered":"https:\/\/giellavahkku.org\/en-lysere-fremtid-for-det-lulesamiske-spraket\/"},"modified":"2024-10-24T10:34:01","modified_gmt":"2024-10-24T08:34:01","slug":"en-lysere-fremtid-for-det-lulesamiske-spraket","status":"publish","type":"post","link":"https:\/\/giellavahkku.org\/sme\/en-lysere-fremtid-for-det-lulesamiske-spraket\/","title":{"rendered":"-Julevs\u00e1megielas \u010duovgadit boahtte\u00e1igi"},"content":{"rendered":"\n

– Mun j\u00e1hk\u00e1n \u0161add\u00e1 \u00e1lkit v\u00e1ldit ruovttoluotta ja fievrridit viidas\u00e1t min giela ja kultuvrra o\u0111\u0111a teknologiijain, go servodagas ovd\u00e1nit \u00e1\u0161\u0161it
jo\u0111\u00e1nit.

<\/strong>Ailo Thomassen lea optimista s\u00e1megielaid boahtte\u00e1iggi ektui. DJ Ailo l\u00e1vdenamain lea son buvttadan musihka 2015 r\u00e1jes. 2023:s oa\u010d\u010dui son ie\u017eas r\u00e1dioprogr\u00e1mma NRK mP3 kanalas, ovdal go \u00e1lggii NRK P3 ja radioprogr\u00e1mmii P3Sommer.<\/p>\n\n\n\n

– Mun lean hui giiteva\u0161 go leat nu olu arenat ja vejola\u0161vuo\u0111at s\u00e1mi d\u00e1idd\u00e1riidda odne, mii lei jurdda\u0161keahtt\u00e1 m\u00e1\u014bga jagi das ovdal. NRK:s, gos mun barggan, geavahan d\u00e1vj\u00e1 julevs\u00e1megiela. Mun r\u00e1hkadan podcasta D\u00e1lla ja Dalloj ovttas Naima Nerg\u00e5rdiin, ja mis lea dat gudni gullat julevs\u00e1megiela mieht\u00e1 S\u00e1mi.<\/p>\n\n\n\n

Ailo lohk\u00e1 ahte v\u00e1ileva\u0161 julevs\u00e1megieloahpahus lea dagahan ahte son lea mass\u00e1n oasi gielas, muhto son geah\u010d\u010dala buoremus l\u00e1gi mielde.<\/p>\n\n\n\n

– Mun halan daid s\u00e1niid maid dovddan ie\u017ean bearra\u0161iin ja singuin geat leat mu birrasis.<\/p>\n\n\n\n

-Makk\u00e1r dilis lea s\u00e1megiella du mielas?<\/em><\/p>\n\n\n\n

– Mun jurdda\u0161an eana\u0161 dan buori beali. Mun han beasan telefuvnnain oaidnit, gullat ja lohkat julevs\u00e1megiela, goas ja gos h\u00e1lidan! Gielddain, fylkkain ja g\u00e1vpogiin leat sihke g\u00e1lbbat ja plak\u00e1htat s\u00e1megillii! Mun beasan gullat ie\u017ean eatnigiela st\u00e1htak\u00e1nalas! S\u00e1htan maid gullat otn\u00e1 d\u00e1lkki julevs\u00e1megillii.<\/p>\n\n\n\n

Stuora vejola\u0161vuo\u0111at<\/strong><\/p>\n\n\n\n

Ailo lea aiddo \u00e1lg\u00e1n julevs\u00e1megiela kursii Nord universitehtas. Su mielas leat stuora vejola\u0161vuo\u0111at s\u00e1mi nuorain geat h\u00e1lidit juoida olahit, lea\u0161 dal borramu\u0161a, musihkka, d\u00e1idda dahje komediija birra s\u00e1hka.<\/p>\n\n\n\n

– Ma\u014bimu\u0161 jagi lean l\u00e1vkestan, ja mearridan geah\u010d\u010dalit olla\u0161uhttit aigumu\u0161aid ja ie\u017ean kultuvrra ovddidit olles m\u00e1ilbm\u00e1i. \u00c1iggun r\u00e1hkadit o\u0111\u0111a musihka f\u00e1rrolaga ear\u00e1 s\u00e1mi artisttaiguin, r\u00e1hkadit doaluid ja digit\u00e1la m\u00e1ilmmi masa mii buohkat s\u00e1httit oass\u00e1lastit – bero\u0161keahtt\u00e1 geat ja gos mii leat.<\/p>\n\n\n\n

D\u00e1rbba\u0161it eanet sisdoalu ja eanet reaidduid<\/strong><\/p>\n\n\n\n

Ailo ohccala nuoraide eanet s\u00e1megielat f\u00e1laldagaid, nu mo ovdamearkkadihte tv-r\u00e1iddut, spealut, filmmat, podk\u00e1sttat ja fysala\u0161 deaivvadanb\u00e1ikkit v\u00e1i besset s\u00e1m\u00e1stit.<\/p>\n\n\n\n

– Nuorat servet digit\u00e1la m\u00e1ilbm\u00e1i ja leat ol\u00e1muttos. Interneahta bokte mii doallat oktavuo\u0111a, guoimmuhit ja oahppat o\u0111\u0111a \u00e1\u0161\u0161iid. Mearkka\u0161a ollu go beass\u00e1 d\u00e1kk\u00e1r sajiin s\u00e1m\u00e1stit. <\/p>\n\n\n\n

Giela boahtte\u00e1iggi birra<\/strong><\/p>\n\n\n\n

Ailo lea ilus go leat nu olu ear\u00e1t geat h\u00e1lidit oahppat s\u00e1megiela.<\/p>\n\n\n\n

– Mus leat guokte njealjejahk\u00e1sa\u0161 neabi geat \u00e1ddeba visot maid dajan s\u00e1megillii, ja dat ligge mu v\u00e1immu. Giella lea deh\u00e1leamos go galg\u00e1 fievrredit ja nannet kultuvrra. Mun barggan buot maid s\u00e1htan seailluhit ja fievrridit viid\u00e1sat giela ja kultuvrra maid m\u00e1ttut leat add\u00e1n munnje musihka bokte! R\u00e1visolmmo\u017eiin lea dat \u0161addan okta mu v\u00e1ibmo\u00e1\u0161\u0161in.<\/p>\n\n\n\n

Ailo buoremus r\u00e1vvagat mo seailluhit s\u00e1megiela<\/strong><\/p>\n\n\n\n