10 rávvaga fitnodagaide ja institušuvnnaide

Searvat Giellavahkkui lea buorre vuohki váldit dehálaš servvodatovddasvástádusa. Daga dan somás vuogi mielde, dá leat logi rávvaga mat sáhttet movttiidahttet.

1. Jahkásaš árbevierru. Merkes 43. vahku kaleandarii! Daga Giellavahku jahkásaš dáhpáhussan din luhtte. Leatgo bargi? Váldde ovddasvástádusa muittuhit jođihangotti ja gulahallanossodaga ahte lea Giellavahkku.

2. E-boastavuolláičála. Dát lea vahkku go heive ráhkadit e-boastavuolláičállaga sámegillii! Gehččet digitála sátnegirjjiid min neahttasiiddus resurssaid vuolde.

3. Oktavuohta oastiiguin/geavaheaddjiiguin sámegillii. Isket leatgo dis sámegielat bargit geat háliidit váikkuhit dasa ahte oastit/geavaheaddjit ja ovttasbargoguoimmit sáhttet gulahallat dinguin sámegillii. Jus lea nu, bidjet dieđuid dan birra sosiála mediaide!

4. Sámegiel fállu. Leago dis kafea dahje kantiina? Dál heive hui bures jorgalit fálu sámegielaide. 

5. Lasihit sámegiela fágasuorgái. Čatnet sámegiela iežadet fágasuorgái. Dálki? Buktet dálkedieđáhusa sámegillii. Neahttagávpi? Mielddus sámegillii. Dainna vugiin šaddá relevánta din ulbmiljovkui.

6. Sámegiella din šearpmain.  Vižžet materiála min neahttasiidduin dahje bidjet sámi sisdoalu šearpmaide.

7. Bures-beaivi.  Ávžžuhehket cealkit dearvvuođaid sámegillii dahje sámegillii mii ii leat du eatnigiella.

8. Oinnolašvuohta. Lehket buorit ovdagovat ja juhket sisdoalu sámegillii, áinnas gilvvuid oktavuođas dahje ovttasbarget influeansariin.

9. Gullos sámegiella. Ráhkadehket sámegillii jietnadieđu telefovnnas, gohččunvuogádagas dahje eará sajis gos sámegiella gullo.

10. Dieđut. Jurdilehket makkár dieđut dis leat sámegillii oastiide/geavaheaddjiide dahje álbmogii odne, makkár dieđut dis berreše leat sámegillii ja álget duohtandahkat dan. 
     
    Ollu lihkku!