Mii leat hutkan logi rávvaga inspirašuvdnan skuvllaide. Jus oahppit leat sámegielagat, de sáhttá bidjat návccaid oahpahit eará sámegiel suopmaniid dahje sámegielaid birra ja jus ohppiin lea sámegiella amasgiellan de lea heivvolaš vahkku oahppat eanet sámegiela. Heivet oahpahusa ahkejoavkkuid mielde ja bargga dan ovdii ahte Giellavahkku šaddá somá ja lea juoga masa oahppit illudit!
- Láidesteapmi. Álggat vahku nu ahte láidestat ohppiid Giellavahkkui. Muital maiddái makkár diliin sámegielat leat, manne Giellavahkku lea dehálaš ja makkár plána dis lea dán vahkkui.
- Giellačiehka. Heivet dihto báikki skuvllas dahje luohkkálanjas giellaoahppamii, interaktiiva spealuiguin, plakáhtaiguin ja oahpponeavvuiguin mat movttiidahttet beaivválaš ovttasdoaibmamii.
- Bovde guossi. Bovde guossi geas lea persovnnalaš historjá gillii maid háliida muitalit. Sáhttá leat olmmoš gii lea váldán gielas ruovttoluotta, gii vásihii dáruiduhttima, gii lávlu ja nu viidásit.
- Historjádiibmu. Diđoštehket ja ohppet sámi historjjá birra ja atnet giela guovddážis.
- Musihkkadiibmu. Heivet musihkkadiimmu luohtái ja sámi musihkkii. Ovdanbuvtte sihke árbevirolaš sámi musihka ja popmusihka.
- Sámegieldiibmu. Lonut eatnigiela sámegielain diibmoplánas. Oahpat sámi bustávaid ja vuođđocealkagiid, ja ságastala sámegiela struktuvrra birra.
- Filbma. Gehččet sámi filmma ja guossot popcorn ohppiide. Stuora servvodat lea historjjálaččat báidnan sámi servvodaga negatiivvalaččat. Atte positiiva vásáhusa ohppiide giela bokte ja daga dán liekkus ja guoibmás diibmun.
- Giellaquiz. Lágit giellaquiza mas oahppit ožžot atnit digitála sátnegirjjiid veahkkin.
- Digitála gelbbolašvuohta. Divtte ohppiid ráhkadit digitála ovdanbuktimiid dahje videoid maid bokte ovdanbuktet maid sii leat oahppan Giellavahkus.
- Reflekšuvdna ja ságastallan. Loahpat vahku čálalaš bargguin dahje njálmmálaš ságastallamiin mas oahppit besset reflekteret Giellavahku dehálašvuođa birra.
