Gávdnojit máŋga digitála giellareaiddu dego stávenreaidu sihke Windowsii ja Macii, boallobeavdi mobiilii mas lea stávenreaidu sihke Androidii ja iOS:ii (iPhone ja iPad), sátnegirjjit ja olu eará. Fina Divvun- siiddus geahččamin mii gávdno sámegiela giellateknologiijas.
Apper
10/20 bágo – oaidnit, gullat ja lohkat sámegiela
Giellavahku oktavuođas lea Norgga beale Sámediggi buvttadan 10/20 bágo nammasaš áppa maid sáhttá viežžat Android dahje iOS telefovdnii.
Áppas beasat oaidnit, gullat ja lohkat 10/20 sáni sihke davvi-, julev- ja lullisámegillii. Áppa sáhttá geavahit skuvllain ja mánáidgárddiin, muhto dieđusge maiddai priváhtta eallimis.
Guokte plakáhta
Áppii lea Sámediggi Norgga beale maiddai ráhkadan guokte plakáhta, okta mas leat 10 sáni davvi-, julev- ja lullisámegillii ja okta mas leat 20 sáni.
Saemesth! – sánit ja frásat
Sámediggi Norgga beale ráhkadii 2013:s lummasátnegirjjáža giellakampánja ”Sámás Muinna” oktavuođas. Sátnegirjjáš lei meidnejuvvon nuoraide, ja ulbmil lei somás vuogi mielde hástalit nuoraid sámástit vuosttaš deaivvadeamis, árgabeaivvis ja feasttas. Sátnegirjjis ii leat mohkkás grammatihkka, muhto baicca álkes ja ábas frásat.
Girjjáš šattai nu bivnnut ahte Sámediggi Norgga beale 2019:s ráhkadii áppa girjjis. Áppas lea jietna muhtin sániide ja frásaide, ja heive dasa gii háliida oahppat veháš sámegiela dahje dasa gii háliida oahppat sániid ja frásaid eará sámegillii.
Girjjáža gávnnat App Stores ja Google Playas.
PC/mac
Retteprogram
Sáhtát viežžat čállindárkkistanreaiddu MS Officii sihke Windowsii ja Macii. Dat gávdno sihke davvi-, julev- ja lullisámegielas.
Boallobeavdi
Sihke mobiilii ja dihtorii sáhtát viežžat sámegiela boallobeavddi. Dás oainnát eambbo dieđuid mot vieččat ja geavahat mobiilaboallobeavddi.