- Sämikielâ teeman oles oho ääigi. Anneeđ sämikielâ teeman oles oho ääigi já pieijâđ tom mánuppajevuáváámân (Kielâokko lii jyehi ive ohhoost 43). Orniđ tooimâ mii lohtâs sämikielân já kulttuurân. Vuáváđ tijjân hiäivulii okkovuávám vyelni orroo oonâi vuáđuld.
- Sämmiliih mainâseh. Luuhâđ sämmilijd mainâsijd párnáid. Sämmiliih párnáikirjeh kávnojeh sehe sämikielân já eres kielân..
- Säämi disco. Kuldâliđ liivđijd já eres sämimuusik oovtâst párnáiguin. Rähtiđ Spotify-palvâlusân suáittulisto, mast lii sämimuusik já orniđ Säämi disco.
- Tánssáđ BlimE! Tánssáđ BlimE-lavluu sämiversioid, kavnâvetteđ taid tääbbin: https://nrksuper.no/serie/blime/MSUM06001023/sesong-12/episode-4
- Spellâđ kielâspeelâid. Máttááttiđ párnáid sämikielâlijd saanijd sierâi já speelâi vievâst. Oovtkiärdáneh tiervâttâsah teikâ ivneh sättih leđe pyeri aalgâ. Jis párnááh mättih sämikielâ, te uápásmuđ sämikielâ eres kuávlukieláid.
- Lávluđ párnáilavluid. Máttááttiđ älkkees sämmilijd párnáilavluid párnáid. Lávlum lii pehtilis vyehi sirdeđ kulttuur. Pyehtivetteđ meid sárnuđ liivđijn já kuldâliđ sierâlágán ellei liivđijd.
- Suotâstâllâđ pustavijguin. Škovlâjuávkku puáhtá rähtiđ säämi puustavjuná tâi eres puustavspeelâid vâi uápásmiteh párnáid sämmilii čälimân.
- Elleekove- já muštâlemäigi. Čäittiđ elleekuuvijd tâi kiirjijd, moh kovvejeh sämikulttuur já sämmilij eellim.
- Sárguđ sämiliipu. Sárguđ sämiliipu já máttááttiđ párnáid sämmilii eennâmtiettust, kuávlukielâin já kielâ virgálii sajattuvâst. Sämikielâst láá maaŋgah sierâlágán kuávlukielah, savâstâllâđ párnáiguin tast, ete maggaar kuávlukielâ peivikiäjust sárnuh.
- Uápásmuđ sämikulttuurân. Uuccâđ tv-ohjelmijd tâi elleekuuvijd sämikulttuur siste ellee párnáin já keččâđ taid tâi povdiđ kyesi, kote puáhtá muštâliđ maidnii sämikulttuurist. Sämikulttuur lii maaŋgâpiälálâš, valjiđ monnii uásisyergi sämikulttuurist, mii lii äigikyevdil tii peivikiäjust já kuávlust, kost leppeđ.
