Kielâookon uásálistem lii fijnâ vyehi kyeddiđ tehálâš ohtsâškoddeovdâsvástádâs. Toohâđ tom suámiht já häävskiht, täst láá love onnâd, moh pyehtih movtijdittiđ.
- Jyehi-ivvááš ärbivyehi. Merkkiđ kalenderân oho 43! Toohâđ Kielâohhoost jyehi-ivvááš tábáhtus tijjân. Lah-uv tun pargee? Vääldi ovdâsvástádâs njunošij já viestâdemuásáduv Kielâohhoost muštootmist.
- Šleđgâpoostâ vuáláčaalâ. Taat lii eidu tot okko, kuás heivee rähtiđ sämikielâlijd šleđgâpostâvuáláčalluid! Keččâđ digitaallijd sänikiirjijd mii nettisiijđoin resursij vyelni.
- Uuccâđ sämikielâ sárnoid. Skappuđ almoskove sämikielâlijn ulmuin tii pargosaajeest já lasettiđ siskáldâs tiäđu sist organisaatio nettisijđoid, intraneetin já sosiaallii median. Návt sij, kiäh halijdeh, pyehtih kommunikistiđ sämikielân.
- Sämikielâlâš purrâmušlisto. Lii-uv tist kähviviäsu tâi purâdemviste? Tääl lii pyeri jurgâliđ purrâmušlisto sämikielân.
- Sämikielâ ovdâstittem toimâsuárgán/áámmátsuárgán. Ovtâstit sämikielâ ton toimâsuárgán/áámmátsuárgán, mast tun poorgah. Šoŋŋâ? Räähti šoŋŋâtiäđáttâs sämikielân. Nettikävppi? Vuolgâttâsreivâ sämikielân. Návt reeivâst šadda merhâšittee tii čuosâttâhaalmugân.
- Sämikielâ tii čááituin. Luođiđ materiaal mii nettisiijđoin tâi pieijâđ sämmilii siskáldâs čáittoid.
- Tiervâ-peivi. Movtijdittiđ tiervâttiđ sämikielân teikâ jis sämikielâ lii tuu eenikielâ, te sämikielân, mii ij lah tuu eenikielâ.
- Oinumvuotâ. Čäittiđ pyere ovdâmeerhâ já jyehiđ siskáldâs sämikielân mielâst kištoi ooleest teikâ oovtâstpargoost influensserijguin.
- Adeliđ sämikielâ kulluđ. Rähtiđ sämikielâlii jienâviestâ puhelimân, suáittuvuáhádâhân tâi monnii eres sajan, mast sämikielâ puáhtá kulluđ.
- Tiäđuh. Smiettâđ, ete magareh tiäđuh tist láá sämikielân äššigâssáid/kevtteid teikâ aalmugân onne, maggaar tiätu tist kolgâččij leđe sämikielân já algâttiđ tai rähtim sämikielân.
Lukko tunjin!
