Čájáhusrahpan: Sámi eallima bálgás – Nuortalaččaid ja Bassi Trifona agálaš árbi

Nuortalaččat leat vehádatjoavku eará sámi joavkkuid gaskkas. Sin kultuvra ja giella leat áitojuvvon, ja sin historjá lea unnán dovddus. Nuortalaččaid árbevirolaš ássanguovllut leat Norgga, Suoma ja Ruošša rádjaguovllus. Odne leat oktiibuot sullii 1500 nuortalačča buot golmma riikkas. Sullii 300 olbmo hállet nuortalašgiela, eatnašat leat Suoma bealde.

Čájáhus "Sámi eallima bálgás - Nuortalaččaid ja Bassi Trifona agálaš árbi / Saaʹmi jieʹllempälggsest - Saaʹmi da Pââʹzzteei Treeffan jieʹlli äʹrbb" lea loatna Sääʹmkulttuurfoond – Sámi kulturfoanddas Čeabetjávrris ja Lappi ortodoksalaš searvegottis. Sii leat jagi 2021 čohkken oktii ovddeš čájáhusaid ja ođđa materiálaid ođđa čájáhussii, mii oahpista nuortalaškultuvrii jiena, govaid, ikonaid, duoji ja eará dávviriid bokte.

Čájáhus rahppo gaskavahku 25.10.2023 dii.18:00 RDM – Sámiid Vuorká-Dávviriin. Čájáhus lea oassi Sámi giellavahkus.

PROGRÁMMA

18:00
Čájáhusrahpan
Jelena Porsanger

18:10
Leu'dd
Hanna-Maaria Kiprianoff

18:20
Filbma
Šaamšiǩ - Oldemors lue (59 min.)

Gáffe ja gáhkut
Kaffe og kake

Čájáhusáigodat: 25.10.2023 - 01.03.2024.

Bures boahtin čájáhussii ja čájáhusrahpamii!