Čääiti ete tun sáárnuh sämikielâ

Sämikielâ ij kulluu, jis mij jiejah ep sáárnu sämikielâ. Čääiti, ete tun máátáh!

Säämi kielâokko lii 21.–27. roovvâdmáánu 2024 já sämikielâ kolgáččij kulluđ. Vâi lii älkkee tiettiđ, ete kiäin puáhtá sárnuđ sämikielâ, sáttá leđe pyeri čäittiđ sämikielâ máátu raddemerháin. Stuárráb já vieres soojijn lii vaigâd tiettid, ete kii sárnu sämikielâ. Kenski sun lii vyebdee páihálii purrâmuškäävpist, autokäävpist teikâ vuoptâceppi?

Taan ive raddemerkkâ čižetpeln já oovdeb uálgispeln. Kuohtuid puáhtá kevttiđ.

Sämilippuin puáhtá čäittiđ, ete tun sáárnuh sämikielâ.

Keksii jieš

Raddemeerhâid tun finniih páihálijn kielâkuávdáin já kirjeráájuin. Listo almostittoo. Jis tun jieh finnii raddemeerhâ, te tun puávtáh keksiđ maidnii muide. Uccâ sämilippuin puáhtá čäittiđ sämikielâ máátu?

Pargoadeleijee puáhtá selvâttiđ, ete láá-uv sist pargeeh, kiäh sárnuh sämikielâ. Jis pargeeh halijdeh, te sij pyehtih heŋgâstiđ koolbâid já pieijâđ uccâ koortâid peevdi oolâ. Návt movtijdittoo pargeid sárnuđ sämikielâ.

Tiäđust-uv návt puáhtá toohâđ jyehi peeivi, ige tuš peri Kielâoho ääigi.