Mijjieh 10 raerieh dorjeme goh skraejrie skuvlese. Jis learohkh leah saemiengïeleldh maahta jarngesne utnedh jeatjah saemien smaarehgïeli jallh gïeli bïjre lïeredh, jïh jis saemien ammesgïeline utnieh dellie hijven ånnetji saemien lïeredh daan våhkoen. Sjiehtedh aalteredåahkan maam ööhpehth jïh hoksh gïelevåhkoe luste sjædta jïh mij akt mïsse learohkh aavoedieh!
- Åehpiedehteme. Aelkieh våhkoem åehpiedehtieminie gïelevåhkoste. Saemien gïeli statusen bïjre, mannasinie daate vihkele jïh våhkoen soejkesjen bïjre.
- Gïeleroene. Sjiehtedh aktem dajvem skuvlesne jallh klaassetjïehtjelisnie saemien gïelelïeremasse, interaktijve spïeligujmie, plakaath jïh learoematerijellh gusnie madtjeldahta saemiengïelesne gaskesadtedh fïerhten biejjien.
- Bööredh guessiem. Bööredh guessiem gie persovneles histovrijem åtna soptsestidh. Maahta akte årrodh gie gïelem bååstede vaalteme, akte gie daaroedehtemem dååjri, akte gie saemiengïelesne lååvle jnv.
- Histovrijetæjmoe. Kraanskode saemien histovrijem jïh utnieh sjïere fokusem gïelese.
- Musihketæjmoe. Baajh musihketæjmoeh vuelien jïh saemien musihken bïjre årrodh. Åehpiedehtieh maaje saemien aerpievuekien musihkem jïh pop-musihkem.
- Saemientæjmoeh. Målsoeh ietniengïelem saemiengïeline tæjmoesoejkesjisnie. Lïerh saemien bokstaavh jïh vihkeles raajesh, jïh digkiedidie gïelen struktuvrem.
- Filme. Vuartasjidie saemien filmem jïh gåassohth popcorn filmese. Histovrijen tjirrh jïjnje negativiteete orreme stoerreseabradahkeste don saemien vööste, baajh learohkh positijve dååjresem saemien gïeline åadtjodh, jïh darjoeh guktie daate murreds tæjmojne sjædta.
- Gïelequiz. Öörnedh gïelequizem, learohkh maehtieh digitaale baakoegærjah viehkievierhtine nuhtjedh.
- Digitaale maahtoe. Baajh learoehkidie digitaale åehpiedehtemh jallh videjovh darjodh dan bïjre maam leah lïereme Gïelevåhkoen.
- Ussjedadteme jïh digkiedimmie. Galhkede våhkoem tjaaleldh laavenjassine jallh njaalmeldh digkiedimmine gusnie learohkh gïelevåhkoen vihkelesvoeten bijjelen ussjededtieh.
