Jienebh digitaale gïeledïrregh gååvnesieh, goh baakoestimmiedïrrege dovne Windowse jïh Macese, mobijletastatuvre baakoestimmiedïrreginie dovne Androidese jïh IOS:se (iPhone jïh iPad), baakoegærjah jïh jïjnje vielie. Gïehtjh Divvun-sæjroem gusnie vielie saemien gïeleteknologije.
App
10/20 bágo
Gïelevåhkoen sjïekenisnie Saemiedigkie Nöörjesne appem 10/20 bágo dorjeme, maam maahta android- jallh iOS-tellefovnese veedtjedh.
Appesne maahta 10/20 baakoeh vuejnedh, govledh jïh lohkedh dovne noerhte-, julev- jïh åarjelsaemien gïelesne. Appe maahta åtnasovvedh skuvlesne jïh maanagïertesne, men hævvi aaj privaate jieliedisnie.
Göökte plakaath
Saemiedigkie Nöörjesne göökte plakaath appese dorjeme, akte 10 baakoejgujmie noerhte-, julev- jïh åarjelsaemien gïelesne jïh akte 20 baakoejgujmie.
Saemesth!
Gïelekampanjen sjïekenisnie «Saemesth munnjien» Saemiedigkie Nöörjesne låammebaakoegærjetjem darjoeji 2013. Baakoegærjetje lij uvtemes noeride, jïh aajkoe lij dïhte edtji vietseleslaakan bööredidh voestes gaavnedimmesne saemiestidh, aarkebiejjien jïh feestesne. Baakoegærjetje joekoen lyjhkedihks sjïdti almetji luvnie gaajhkine aaltarinie. Desnie ij naan leevles grammatihke, ajve jienebh jallh vaenebh nuhteligs baakoeh jïh jiehtegh.
Baakoegærjetje dan lyjhkedihks sjïdti guktie Saemiedigkie 2019 aaj dam jïjtse applikasjovnine darjoeji. Tjoeje vaeljehke baakojde jïh jiehtiegidie, jïh gaajhkesh mah sijhtieh maehtieh baakoegærjetjem nuhtjedh, dovne dah mah sijhtieh ånnetji saemien lïeredh jïh dah mah sijhtieh såemies baakoeh jïh raajesh jeatjah saemien gïelesne lïeredh.
PC/mac
Staeriedimmieprogramme
Maahtah MS Officen reaktatjaelemedïrregem veedtjedh dovne Windowse jïh Macese. Gååvnese dovne noerhte-, julev -jïh åarjelsaemien gïelese.
Tastatuvre/Båaloebuertie
Maahtah saemien tastatuvrem veedtjedh dovne mobijlese jïh daatovrese.
- Lohkh vielie daesnie guktie veedtjh jïh åtnose vaaltah mobijletastatuvrem.
- Lohkh vielie daesnie guktie veedtjh jïh åtnose vaaltah tastatuvrem daatovrese.