Mäʹhtt vuäitak pueʹtted mieʹldd?
Tuäivvap, što vuässõõđak Sääʹm ǩiõli neäʹttel hervvai šõddmõõžžid, juʹn-a fyyslaž leʹbe digitaalʼlaž šõddmõõžžid.
Ǩeeʹrjet sääʹmǩiõʹlle sosiaalʼlaž mediast obb neäʹttelpââʹj, da puuʹt ton še mij kåʹllǩiõlid kuâsttjeeʹjen.
Siâzztõõllâp ǩiõččâd prograamm, što kaaunak jäʹrjstum šõddmõõžžid tuu âlddsin. Vääʹld õhttvuõđ tuu ââldmõs ǩiõllkõõskõʹsse da kõõjj seeʹst vieʹǩǩ, što kaaunak ǩiõllneäʹttel šõddmõõžžid.
Siâzztõõllâp še seuʹrrjed Sääʹm ǩiõli neäʹttel Facebook-seeid “Giellavahkku/ Gïelevåhkoe/ Giellavahkko/ Samisk språkuke”, koʹst vuäinak obb Sääʹmjânnam ođđsid. Sääʹm ǩiõli neäʹttlest lij še jiiʹjjes Instagram “giellavahkku”, koʹst õlmstââʹttet fiiʹlmid, kaartid da ođđsid neäʹttelpââʹj.
