Giellavahku rahpan
Vuossárgga 21.10 rahppojuvvo Giellavahkku 2024 Sámiid Vuorká-Dávvirat museas dii. 16:00-18:00. Dan oktavuođas lea prográmma ja guossohit káfe ja gáhku. Doalut leat rabas buohkaide ja dulkojuvvo dárogillii.
Prográmma:
- Bures boahtin ja Giellavahku rahpan
- Diktalohkan
- Sáhkavuorut
- Paula Rauhala masterdási oahppočájánasa čalmmustahttin: mo atnit ođđa digitála teknologiijaid sámi kulturárbbi čalmmustahttit ja máhcahit?
Lágideaddjit: Kárenaš Sámi giella- ja kulturguovddáš ja RiddoDuottarMuseat-Sámiid Vuorká-Dávvirat