Barkosne jielije Nöörjen åvteste

Mielhkiebåanta Jon Evald Hætta veanhta mejerijesiebresne TINE barkedh lea jielije jïh gellielaaketje Nöörjen åvteste barkedh.

Sov saemien maadtojne Jon Evald jïjnjem daajra guktie lea eatnaminie barkedh aarvoeh sjugniedidh.

– Mijjieh saemieh libie daejnie eatnaminie barkeme gellie stoerretjuetie jaepieh jïh mijjen lea guhkies histovrije maam maehtebe garmerdidh. Jïh dovne båatsosne jïh mielhkiedorjemassesne lea ektiespïele kreeki, almetji jïh eatnemen gaskem, Hætta jeahta.

Gaertene maam gåmmabinie jïh göökte maanajgujmie åtna lea Luoktagáddi Guovdageaidnusne. Daesnie produksjovne lea medtie 200 tonn mielhkeste fïerhten jaepien, seamma tïjjen goh gaertene 600 dekar ïentjeste reerie.

– Manne gaertieninie eelkim 2015, jïh 2018 fievsiem jeatjahtehtim guktie govsh maehtieh loeves fievsesne årrodh, Jon Evald soptseste. Manne garmere damtem gosse daajram leam meatan abpe Nöörjem nuhtjem juktie beapmoem voenges vierhtine darjodh, Hætta jeahta jïh lissehte:

– Munnjien lea vihkele minngebe boelve gaertieninie jïh histovrijem jåarhka. Manne vaajtelem jïh gegkestem mielhkieproduksjovne Finnmarhkesne jåarhka. Manne optimiste.

Gellievoetem garmerde
– TINE:n visjovne lea «Ektesne jielije Nöörjem sjugniedibie», jïh sisvege dan sisnie lea mijjieh edtjebe aaj gellievoetem Nöörjesne vuesiehtidh. Mijjen leah Nöörjen aalkoeåålmegh mijjen mielhkieproduseenti gaskem, jïh dam lyjhkebe. Gellie jaepieh libie soptsestamme man vihkele lea eatnaminie barkedh – ij dan vööste. Ajve naan gille sån stuerebe tjoevkesem dagkeres filosofijese beaja goh dah mah sijjen saemien roehtsh jïh ussjedimmievuekieh meatan vaeltieh barkoen sïjse beapmoem Nöörjen årroejidie darjodh, gaskesadtemen åvtehke Sindre Ånonsen TINE:sne jeahta.

Dïhte Gïelevåhkoen öörnedæjjah daan jaepien programmine læhkohte, jïh gegkeste dïhte viehkehte vuesiehtidh saemien kultuvre jïh gïele leah gamte stïeresne dovne nöörjen jielemen jïh seabradahkejieleden sisnjeli.