Tine-mielkke nuorttasámegiellaj
Ådåjakmáno 2023 rájes almoduvvá TINE mielkkepáhke Råmsån ja Finnmárkon sihke dárogiella ja nuorttasámegiella. – TINE visjåvnnå la jut mij aktan hábbmip viesso Vuonav, ja de la huj buorre gå iehtjam iednegiella, sámegiella, ihtá mielkkepáhkkaj, javllá Tormod Nilsen, TINE-båndor ja guojmmeæjgát sáme aktisasjbåndorsijdan Návet Doallun DeanugeaidnunDænon.
Nilsen, sámedikkepresidænnta Silje Karine Muotka, TINE konsærnnajådediddje Gunnar Hovland ja Kirsten Appfjell Sámedikke háldadusá bieles æjvvalin duorastagá gålgådismáno 27. biejve ávvudittjat aktisasjbargov ja mielkev juhkat ådå mielkkepáhkijs.
– Mielkkepáhkke la ienemus sijdajn dábálasj ja juojddá mij aneduvvá sihke idedisbiebbmuj ja iehketbårråmussaj. Jáhkáv sámegiella mielkkepáhkan båktå moaddásin diehtemvájnov ja berustimev, ja sávav aj ienebu sihti gielav oahppat. Gå stuora vidnudahka gå TINE dahká dakkár diedulasj giellaválljimav, de dat dahká positijva synergidjav, ja dát aktisasjbarggo la buorre buojkulvissan dasi gåktu álggoálmmukgielaj árvov máhttá nannit, javllá sámedikkepresidænnta Silje Karine Muotka, guhti l huj dudálasj aktisasjbargujn.
Gåvvå viesso Vuonarijkkaj
– Dát la riek suohtas. Midja TINEn barggap juohkka biejve viesso Vuonav hábbmit, ja sámegiela li ájnnasa ja oalle oasse, sáme ja dáro kultuvrraárbes. Gå mielkkepáhkijn Råmsån ja Finnmárkon la sihke sámegiellaj ja dárogiellaj, de vuojnnugoahtá TINE sierralágásjvuohta ja identitiehtta tjielggasappot. Mij lip aktisasjbarggovidnudahka 9000 mielkkebånndurijs nuorttan gitta oarjás. Viedtjap ja buvtadip mielkev Vuonav miehtáj, ja galggap gåvvit rijka moattebelakvuodav, javllá TINE konsærnnajådediddje Gunnar Hovland.
Sámedikke Giellavahkko álgadi ássjev
Bielnup jage dat rájes lij Sámedikken ja TINEn tjåhkanibme Giellavahko aktijvuodan. Dan tjåhkanimen ævtodin Giellavahko åvdåstiddje sámegielav biedjat mielkkepáhkijda. Giellavahkko l oasse Sámedikke giellaratjástimes Giellalåpptim.
– Sámedikken la læhkám visjåvnnån sámegielav oadtjot mielkkepáhkajda guhkev, ja lip riek mihá dálla gå TINE l duodaj dav dahkam. Gå mielkkepáhke ihti nuorttasámegiellaj dárogiela duodden, vuoset sámegiella dåhkkiduvvá ja dat aj vuoset moattebelakvuodav ja aktijvuodav buorre vuogijn, javllá prosjæktajådediddje Kirsten Appfjell.
Ådåjagijda dievddegåhti mielkev ådå mielkkepáhkijda manna l sámegieltæksta.
