Mondiet lii Kielâokko tehálâš?
Veikkâ lep aštum lappumist, te sämikielah ain pisoh. Sämikielâi lii ain tuáivu. Sämmilij kooskâst lii tiäđulâšvuotâ kielâst já kielâvaljimist, já eenâb já eenâb ulmuuh väljejeh servâđ sämikielâ kielâkurssáid, vâi puávtáččii finniđ kielâ maassâd, mon mii madduuh láá monâttâm. Kuávluin kost sämikielâ ij lah kevttum suhâpuolvâ teikkâ kyevti ääigi, te väldih tääl nuorâ rävisulmuuh sämikielâ maassâd já keččâleh várugávt sirdeđ tom ovdâskulij párnáidis. Uđđâ sämikielâlâš suhâpuolvâ šadda tääl.
Mij uáinip et stuorrâsiärvádâh sehe Taažâst, Suomâst já Ruotâst čäittih ain stuárráb kiddiistume já äŋgiruššâm sämikieláid, já sämmiliih täin riijkkâin tobdeh et sii kulttuur já kielâ lii ain pyerebeht tuhhiittum. Kiddiistume säämi siärvádâhân lii styeres, já äigi ohtsâš kielâäŋgiruššâmân ij puávtáččij leđe pyereeb.
Maht puávtáh servâđ?
Mij avžup keččâđ ohjelmist tábáhtuumijd moh tuu alda. Vääldi aainâs ohtâvuođâ jieijâd kuávlu kielâkuávdáin já koijâd sist iše kavnâđ tábáhtuumijd moh láá kielâohhoost. Mij avžup meiddei čuávvuđ kielâoho Facebook-siijđo ”Kielâoho/Gïelevåhkoe/Kielâoho/Samisk språkuke”, tobbeen uáináh ubâ Säämi uđđâsijd. Kielâohhoost lii meiddei jieijâs Instagram ”giellavahkku” kuus almottuvvojeh fiilmah, koveh já uđđâseh ubâ oho.
Mij tuáivup et seervah Kielâoho kiäldulâš tábáhtussáid, ližžii tääl fyysilâš teikkâ digitaallâš tábáhtusah. Čääli sämikielân sosiaallâš mediast ubâ oho já pyevti oovdân mii mučis kollekielâid tun še.
