Kielâ iälá tuš nuuvt kuhháá ko tot kiävttoo. Kielâohhoost 19.–25. roovvâdmáánu tun puávtáh ettâđ maidnii ustevlijd kiäsnii sämikielân, veikâ jieh mátáččii kielâ.
Kielâoho taan ive teema lii kielâ iäláskittem, já eromâš huámmášume lii puoh uhkevuálásumosijn sämikielâin. Ucebijd ellee sämikieláid jyehi celkkum sääni lii merhâšittee. Mij tiettip, ete puáhtá leđe stuorrâ lävkki sárnuđ kielâ, mon ij lah oppâm pärnin. Iäláskitmist lii tondiet koččâmuš siämmáá ennuv ruokkâdvuođâst ko mättimist. Taan ive Kielâohhoost mij movtijdittep tuu almostittiđ maidnii sämikielân, já monnii suotâs ääši celkkim nube ulmui lii pyeri vyehi algâttiđ.
Návt tun uásálistáh
Räähti ustevlijd saanijd generaattorijn já jyevi taid kiäsnii, kote áánsáš taid. Tun jieh taarbâš mättiđ sämikielâ vâi puávtáh toohâđ tom. Tiptep sämikielâ oinuđ já kulluđ jyehi saajeest taan ohhoost. Jyehi sääni meerhâš!