Ǩiõll jeäll tåʹlǩ nuʹt kuuʹǩǩ ǥu tõn ââʹnet. Ǩiõllneäʹttlest 19.–25. kålggmannust vuäitak särnnad ǩeäzz-ne ǩeʹnnvõsvuõđ sääʹmǩiõlin, håʹt jiõk siltteʹči ǩiõl.
Ǩiõllneäʹttel tän eeʹjj teeʹmm lij ǩiõl jeälltummuš, da jeäʹrben vuâmmšõs lij pukin vaarvuâlaž sääʹmǩiõlin. Uuʹccbõs jieʹlli sääʹmǩiõlid sarnnum sääʹnn lij samai miârktõõzzlaž. Tieʹttep, što vuäitt leeʹd jõnn läuʹǩǩ mainsted ǩiõl, koon iʹlla veâl mättjam päärnžen.
Jeälltummšest lij tõʹnt kõõččmõš nuʹt smeʹllkõsvuõđâst ǥu teâđast silttummšest. Tän eeʹjj Ǩiõllneäʹttlest smeʹllkâʹttep tuu õlmstâʹtted mâid-ne sääʹmǩiõlin, da mõõn-ne hääʹsǩes ääʹšš särnnmõõžž nobba lij šiõǥǥ nääʹll altteed!
Nääiʹt vuässõõđak
Tueʹjjed ǩeʹnnvõsvuõtt ǩeʹnnvõsvuõttgeneraattorin da jueʹjj tõn ǩeäzz-ne, ǩeän toobdak, što tõt kooll suʹnne. Tuʹst ij taarbâž siltteed sääʹmǩiõl, ǥu tuejjääk tän. Uuʹdet sääʹmǩiõl kuâsttjed da kollʼjed juõʹǩǩåʹrnn tän neäʹttlest. Juõʹǩǩ sääʹnn miârkat!