TINE-mielkki tavesämikielân

Uđđâivemáánu 2023 rääjist lii TINE-mielkkipuurkijn Tromsast já Finnmarkist sehe tárukielâ já sämikielâ. – TINE visio lii, ete mij oovtâst huksip ellee Taažâ, já lii eromâš pyeri, ete muu eenikielâ, sämikielâ, puátá mielkkipuurkin, iätá Tormod Nilsen, TINE-eennâmviljâleijee já sämiuásádâhtáálu Návet Doallu uásiomâsteijee Gárdagist Tiänu kieldâst.

Tormod Nilsen, Sämitige president Silje Karine Muotka, TINE uáivihovdâ Gunnar Hovland já Sämitige haldâttuvâst Kirsten Appfjell pessii tuorâstuv 27. roovvâdmáánu ávudiđ oovtâstpargo já navdâšiđ mielhi uđđâ mielkkipuurkist.

Iänááš paaihijn mielkkipurkki lii uáli táválâš já taggaar, mii lii kiävtust, ko mij puurrâp iiđeedpitá já eehidpitá. Mun oskom, ete sämikielâ mielkkipuurkist rávkká maaŋgâin sahhiisvuođâ já kiäsut já mun meid tuáivum, ete ain eenâb ulmuuh halijdeh oppâđ kielâ. Ko návt stuorrâ finnodâh ko TINE taha taggaar tiäđulii kielâvaljim, te tot šoddâd positiivlii ohtsâšvaikuttâs, já taat oovtâstpargo lii pyeri ovdâmerkkâ toos, maht algâaalmugkielâi status puáhtá nanodiđ, iätá Sämitige president Silje Karine Muotka, kii lii eromâš tuđâvâš oovtâstpaargon.

Valdâl ellee Taažâ

Taat lii hirmâd suotâs. Mij TINE:st porgâp jyehi peeivi vâi huksip ellee Taažâ, já sämikielah láá tehálâš já ellee uási sämmilii já taažâ kulttuuräärbist. Ko mielkkipuurkijn Tromsast já Finnmarkist lii sehe sämikielâ já tárukielâ, te TINE luándu já identiteet puátih vala čielgâsubbooht uáinusân. Mij lep uásádâhkodde, mon omâsteh 9 000 mielkkipyevtitteijed tavveen máádás. Mij nuurrâp já pyevtittep mielhi pirrâ Taažâ, já spejâlistep mii staatâ maaŋgâhámásâšvuođâ, iätá TINE uáivihovdâ Gunnar Hovland.

Sämitigge piejâi ääši joton

Pelnub ive tassaaš lâi Sämitiggeest já TINE:st čuákkim Kielâoho ooleest. Ton čuákkimist iävtuttii Kielâoho ovdâsteijeeh, ete mij pieijâp sämikielâ mielkkipurkkijd. Kielâokko lii Sämitige Giellalokten-kielâstrategia uási.

Mist Sämitiggeest lii kuhháá lamaš vision finniđ sämikielâ mielkkipurkkijd, já mij lep hirmâd iloliih tääl, ko TINE lii olášuttâm tom. Tot, ete mielkkipuurkih láá tavesämikielân tárukielâ lasseen, čáittá, ete sämikielâ tuhhiittuvvoo já tot čáittá meid maaŋgâhámásâšvuođâ já uásálistemvuođâ positiivlii vuovvijn, iätá proojeekthovdâ Kirsten Appfjell.

Uđđâivemáánust algâttuvvoo mielhi piejâm taid uđđâ mielkkipurkkijd, main lii sämikielâlâš tekstâ.