Meatan årrodh gïelevåhkosne lea hijven vuekie vihkeles seabradahkedïedtem vaeltedh. Darjode maam akt murreds jïh luste, daesnie luhkie raerieh mah maehtieh skreejrehtidh.
- Fïerhtenjaapetje aerpievuekie. Mïerhkh våhkoem 43 biejjielåhkosne! Darjode Gïelevåhkoem fïerhtenjaapetje heannadimmine dijjen luvnie. Datne desnie barkh? Mujhtieh åvtehkidie jïh gaskesadtemegoevtesem måjhtajehtedh dan bïjre.
- E-påastesignatuvre. Daan våhkoen sjeahta e-påastesignatuvrem saemiengïelesne darjodh! Vuejnede digitaale baakoegærjine vierhtiej nuelesne mijjen nedtesæjrojne.
- Saemien govlehtallije. Gïehtjh mejtie dijjen leah barkijh gïeh saemiestieh jïh sijhtieh faalehtidh åestijh jïh laavenjostoeguejmieh maehtieh dijjine saemiengïelesne gaskesadtedh. Jis jaavoe, juekieh dam sosijaale medijinie.
- Saemien beapmoekaarhte. Dijjen prïhtjhgåetie jallh kantijne? Daelie hijven sjeahta beapmoekaarhtem saemiengïelese jarkoestidh.
- Saemien faagesuerkesne. Ektiedidie saemiengïelem faagesuerkine mejnie barkede. Vearelde? Soptsestidie veareldem saemiengïelesne. Nedtebovre? Prievie saemiengïelesne. Naemhtie sjyöhtehke sjædta dijjen ulmiedåehkide.
- Saemien sjeermine. Veedtjede materijellem mijjen nedtesæjrojste jallh bïejede saemien sisvegem nedtese.
- Bueriebiejjiebiejjie. Haestede saemiengïelesne jallh jeatjah saemien smaarehgïelesne heelsedh mij ij leah dej ietniengïele.
- Våajnoesvoete. Årrode hijven åvteguvvieh jïh juekede sisvegem saemiengïelesne maaje gaahtjemigujmie jallh laavenjostosne influenserigujmie.
- Baajede saemien govledh. Darjode saemien tjoejebïevnesem tellefovnese, gohtjedimmiesysteemese jallh jeatjah sijjide gusnie maahta saemien govledh.
- Bïevnesh. Vuarjasjidie mah bïevnesh saemiengïelesne dijjieh åestiejidie / årroejidie utnede daan biejjien, maam lidh byöreme utnedh jïh aelkede dam saetniedehtedh.
Jïjnjh lahkoeh!
