Ǩiõllneättla vuässõõttmõš lij samai fiin nääʹll kueʹdded tääʹrǩes õhttsažkåʹddvasttõõzz. Tueʹjjeʹǩed tõn kuärǥast da hääʹsǩeld, täʹst liâ lååi viiŋk, kook vueiʹtte älšmâʹtted.
- Eeǥǥaž äʹrbbvuõtt. Meärkkad kaʹlndaaʹre neäʹttel 43! Tueʹjjeʹǩed Ǩiõllneäʹttlest piiriekksaž podd tiʹjjid. Leäk-a tuâjjlaž? Vääʹld vasttõõzz njonnaž da saakkeemjuâkkaz mušttʼtummšest Ǩiõllneäʹttlest.
- Neʹttpååʹšt vuâllaǩeeʹrjtõs. Tät lij samai tõt neäʹttel, ǥu suäpp tueʹjjeed sääʹmǩiõllsaž neʹttpååʹštvuâllaǩeeʹrjtõõzzid! Ǩiõččâd digitaalʼlaž sääʹnnǩiiʹrjid neʹttseeidain resuursi vueʹlnn.
- Ooccâd sääʹmǩiõl mainsteeʹjid. Väʹldded õʹhtteǩeässmõš sääʹmǩiõllsain tuâjjpäikka da liâvteʹǩed teâđ seeʹst jiijjâd organisaatio seʹst neʹttsijddu, intranetta da sosiaalʼlaž mediaaʹje. Nääiʹt ǩeäk haaʹlee, vueiʹtte kommunikâʹstted sääʹmǩiõʹlle.
- Sääʹmǩiõllsaž porrmõšlistt. Lij-a teeʹst kååʹffsââʹjj leʹbe poorrâmsââʹjj? Ååʹn lij šiõǥǥ podd jåårǥlâʹtted porrmõšliist sääʹmǩiõʹlle.
- Sääʹm õhttummuš tåimmsuârgga/ämmatsuârgga. Õhttâd sääʹmǩiõl tõõzz tåimmsuârgga/ämmatsuârgga, koʹst tuâjad tuejjääk. Šõŋŋ? Tueʹjjed šõŋŋteâđtõõzz sääʹmǩiõʹlle. Neʹttkaupp? Sättǩeʹrjj sääʹmǩiõʹlle. Nääiʹt ǩeeʹrjest šâdd priʹmeârlaž tij täävtõsǩiiččeeʹjid.
- Sääʹmǩiõll teâttikknin. Seʹrdded materiaalid neʹttseeidain leʹbe piijjâd kuâsttjemnalla sääʹm siiskõõzz teâttikknid.
- Tiõrv-peiʹvv [Jåårǥlõõʹttjid: jåårǥlâʹtted tän jiijjad ǩiõʹlle vaʹstteei maʹlle]. Smeʹllkâʹtted tiõrvted sääʹmǩiõʹlle leʹbe jõs leäk jieʹnnǩiõllsaž, tâʹl sääʹmǩiõʹlle, kååʹtt ij leäkku jieʹnnǩiõllad.
- Kuâsttjemvuõtt. Leäkku pueʹrr ouddmiârkid da jueʹǩǩed siiskõõzz sääʹmǩiõʹlle, kuuitâǥ ǩeâšttõõttmõõžži õhttvuõđâst leʹbe õhttsažtuâjast influensseeʹrivuiʹm.
- Uʹvdded sääʹmǩiõl kollʼjed. Tueʹjjeʹǩed sääʹmǩiõllsaž jiõnnsaaǥǥ teʹlfooʹne, teʹlfonriâžldõʹǩǩe leʹbe koozz-ne jeeʹres päikka, koʹst sääʹmǩiõll vuäitt kollʼjed.
- Teâđ. Smiõttâd, måkam teâđ teeʹst liâ sääʹmǩiõʹlle äʹššniiʹǩǩid/õõʹnnʼjid leʹbe narooʹde täʹbbe, måkam teâđ teeʹst õõlǥči leeʹd sääʹmǩiõʹlle da altteʹǩed tõi tuejjummuš sääʹmǩiõʹlle.
Leekk tuʹnne!
