- Sámegiella degu tebmáålles vahko. Ane sámegielav degu tebmá ålles vahko ja biedjit dav mánoplánaj (Giellavahkko l vahkko 43 juokka jage). Dáhkit dahkamusájt sáme giela ja kultuvra birra. Ásadihtit vahkkoplánav gähtjastusájn ma li danna ja didjij hiehpi.
- Sáme subttsása. Lågå sáme subttsásijt mánájda. Gávnnuji sáme mánágirje goappátjagá sámegiellaj ja ietjá gielajda.
- Sáme disco. Gulldalihtit vuolijt ja ietjá sáme musijkkáv mánájn. Dagá spellamlisstáv Spotify:an gånnå gávnnu sáme musijkká ja asá sáme discov.
- Dánsit BlimE! Dánsit sáme variántav BlimE-lávlagij, gávna dav danna: https://nrksuper.no/serie/blime/MSUM06001023/sesong-12/episode-4
- Spellat giellaspelajt. Oahpásmahte bágojt mánájda ståhkama ja spela tjadá. Álkkes buorastahttemvuoge ja bájno l buorre álggo. Jus máná máhtti sámegielav, tjalmostahtit ietjá sáme giellasuorgijt sidjij.
- Lávllot mánálávlagijt. Åhpa mánájda álkkes sáme mánálávlagijt. Lávllom la nanus vuohke kultuvrav giehttot. Ságástihtit vuolij birra ja gulldalihtit iesjgeŋgalágásj judos vuolijt.
- Suohtastallat bokstáváj. Skåvllåjoavkko máhttá tågav sáme alfabehtas dahkat vaj ietjá spellajt bokstávaj ja nåvti oahpásmahttet mánájt sáme tjállemvuogijda.
- Filmmá- ja giehttomájgge. Vuoseda filmájt jali girjijt ma gåvviji sáme kultuvrav ja iellemav.
- Sárggot sáme slávgav. Sárggo sáme slávgav ja åhpada mánájda sáme geografiddjav, giellasuorgijt ja giela virgálasj vidjurij birra. Gávnnuji moadda giellasuorge sámegielajn, ságasta mánájn makkir giellasuorgge l åvddåskåvlån.
- Oahppat sáme kultuvra birra. Gávnnit tv-rájdov vaj filmájt ma giehttu mánáj birra ma vieso sáme kultuvran ja gehtja dajt vaj bivddi sisi guossev gut máhttá giehttot juojddá sáme kultuvra birra. Sáme kultuvrra l moattebelak, vállji juoga mij la ájggeguovddel dijá åvddåskåvllåj jali dan bájken gånnås lihpit.
