- Saemien gïele goh teema abpe våhkoem. Utnede saemiengïelem goh teema abpe våhkoem jïh bïejede dam askesoejkesjasse (våhkoen 43 fïerhten jaepien). Sjïehteladtede darjoemidie saemien gïelen jïh kultuvren bïjre. Darjode våhkoesoejkesjem dej tipsi mietie vuelielisnie mah dijjese sjiehtieh
- Saemien heamturh. Lohkede saemien heamturh maanide. Saemien maanagærjah dovne saemiengïelesne jïh jeatjah gïeline gååvnesieh.
- Saemien diskoe. Goltelidie joejkese, vualan jïh jeatjah saemien musihkese maanajgujmie ektine. Darjode spïelemelæstoem saemien musihkine Spotifysne jïh utnede saemien diskoem.
- Daanhtsode bliMe. Daanhtsode dejtie ovmessie saemien BliMe-laavloemidie, datne dejtie daesnie gaavnh: https://nrksuper.no/serie/blime/MSUM06001023/sesong-12/episode-4
- Spïelede gïelespïelh. Åehpiedehtede saemien baakoeh maanide stååkedimmien jïh spïelemen tjirrh. Aelhkie heelsegh jallh klaerieh maehtieh hijven aalkovinie årrodh. Jis maanah saemiestieh, baajede dejtie åahpenidh dej jeatjah saemien smaarehgïeligujmie.
- Laavlode maanalaavlomh. Leerede maanide aelhkie saemien maanalaavlomh. Laavlome lea fååmijes vuekie kultuvrem åehpiedehtedh. Maehtede aaj vuelien bïjre soptsestidh, jïh ovmessie kreekevuelieh goltelidh.
- Bokstaavigujmie lustestalleedh. Skuvledåehkie maahta saemien alfabeeteraajroem jallh jeatjah bokstaavespïelh darjodh juktie saemien tjaelemem maanide åehpiedehtedh.
- Filme- jïh soptseseståante. Vuesiehtidie filmh jallh gærjah guvviejgujmie mah leah saemien kultuvren jïh jieleden bïjre.
- Guvviedidie saemien saevegem. Guvviedidie saemien saevegem jïh baajede maanah lïeredh saemiej geografijen, smaarehgïeli jïh gïelen byögkeles statusen bïjre. Gellie ovmessie smaarehgïelh saemiengïelesne, soptsestidie maanajgujmie magkeres smaaregïele mij soptsesåvva desnie gusnie maanagierte lea.
- Lïerede saemien kultuvren bïjre. Gaavnede tv-raajroeh jallh filmh maanaj bïjre mah saemien kultuvresne jielieh jïh vuartasjidie dejtie, jallh bööredidie guessiem mij maahta maam akt saemien kultuvren bïjre soptsestidh. Saemien kultuvre gellielaaketje, veeljede maam akt mij sjyöhtehke desnie gusnie dijjieh hööltestidie.
